القاهرة - ياسر ابراهيم - الخميس 18 يوليو 2024 10:36 مساءً - وصية تامر ضيائي قبل وفاته بشهرين، كتب الفنان تامر ضيائي وصيته على موقع التواصل الاجتماعي فيسبوك، وكأنه شعر بدنو أجله، ما جعل رواد السويال ميديا يتعجبون أيما إعجاب حول تلك الصدفة، ويتسائلون، هل يمكن أن يشعر الإنسان بدنو أجله؟

السؤال ظل متداولا بين محبي الفنان تامر ضيائي، وجمهور السوشيال ميديا، لكن حتى هذه اللحظة لم يستطع أحد أن يجيب على هذا التساؤل.

كانت تلقت الأجهزة الأمنية بمديرية أمن القاهرة، يوم الأربعاء الموافق 17 يوليو 2024، إخطارا من غرفة عمليات النجدة بورود بلاغ من الأمن الإداري لمستشفى سرطان في التجمع أفاد بوفاة الفنان تامر ضيائي على بوابة المستشفى بعد تعرضه لهبوط حاد وتشاجره مع فرد أمن المستشفى.

نص وصية الفنان تامر ضيائي

وقد نشر الفنان الراحل تامر ضيائي وصيته يوم 12 مايو 2024، عبر صفحته الرسمية على تطبيق فيسبوك، مما أثار اندهاش الكثير من محبي الفنان تامر ضيائي، خاصة عقب وفاته، وجاء نصها كالتالي:

حيث قال: «بوست الوصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد».

وبدأ الفنان الراحل تامر ضيائي وصيته قائلاً: «صلاة الجنازة أهم من العزا و هى اللي كل ما العدد زاد كل ما ثوابي كان أكثر، فأرجوكم تصلوا علي، مش شرط تيجي العزا وياريت لو اتعمل في البيت أو مكان بسيط بفلوسه تطلعولي صدقة جارية أفضل».

وتابع: «من فضلكم لم يثبت أو يتفق عليه عمل خاتمة قرآن للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش، وادعولي الوقت اللي ستقرأوا فيه جزء فضوا نفسكم وإقعدوا إدعوا فيه، بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة».

وأضاف الراحل: «دى نقطة مهمه أوي بالنسبة لي.. محدش يقول لحد بتعيط عليه ليه، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللي عندهم و مفيش حاجه بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم».

وجدد تامر ضيائي في وصيته هذا الطلب «أهم حاجة تاني هى الدعاء وبس والصدقة، من فضلكم تكثفوا الدعاء وقت نزول القبر وتتصدقوا بأي حاجة، بنية إن ربنا يجعل قبري روضة من رياض الجنة ويثبتنى عند السؤال لأن ده أهم وقت لي، وياريت كمان بعد ما تدفنوني تقعدوا معايا شوية ومتستعجلوش تمشوا عشان تونسوني في ليلة زي دىي اللي بيحبوني يدعولى كتير عشان لو مفيش حد يدعيلى».

واستكمل الفنان تامر ضيائي وصيته قائلا: «الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء لي عشان أبقى في سعادة لحد ما أقابلكم تاني، ودي مهمة أوي أوي أوي، عاوز الكل يسامحني علي أي حاجة عملتها فيه بقصد أو يدون قصد

واختتم الفنان الراحل تامر ضيائي وصيته: «اللهم إن كثر موت الفجأة من حولي و كثر موت الشباب غفلة، فيارب، إن كنت أنا القادم فأحسن خاتمتي وارزقني نطق الشهادة عند الموت و يسّر طلوع روحي و هوّن عليّ سكراتي، فإني أحب أن أرحل في هدوء و سكينة و طمأنينة، ولا تقبض روحي إلا و أنت راضٍ عني لكي أكون عبدا مقبولا عندك حتي أليق بلقائك العظيم و إن كان لي من العمر باقي فاغفر لي ذنوبي و معاصي نفسي الأمّارة بالسوء و أعفو عني و امحو لي كل ما يعرقل طريقي إليك و ردّني إليك ردّاً جميلاً يارب العالمين».

آخر أعمال تامر ضيائي

وكان مسلسل فراولة آخر أعمال الفنان تامر ضيائي، وعرض ضمن موسم مسلسلات رمضان 2024، وحقق نجاحا جماهيريا وفنيا كبيرا.

مسلسل «فراولة» بطولة الفنانة نيللي كريم إلى جانب عدد من نجوم الفن منهم: تامر ضيائي، شيماء سيف، وصدقي صخر، وأحمد فهيم، وعلا رشدي، ومصطفى خاطر، وعدد آخر من الفنانين.

والعمل من تأليف محمد سليمان عبد الملك، وإخراج محمد علي.

اقرأ أيضاً
أول قرار من النيابة العامة حول واقعة وفاة الفنان تامر ضيائي

بعد وفاة تامر ضيائي.. أبرز خناقات المشاهير في الفترة الأخيرة

موعد ومكان جنازة الفنان تامر ضيائي