القاهرة - أماني محمد - الاثنين 26 أغسطس 2024 01:45 صباحاً - خالد سرحان، قال الفنان خالد سرحان: "أول قصة حب لي لما كنت في تالتة إعدادي، كنت بقف على الناصية بالموتوسيكل وأنا لابس النضارة وأعاكسها، بس هي مكنتش تعرف إني بحبها".

أول قصة حب لخالد سرحان

وأضاف خلال لقائه ببرنامج "حد النجوم" المذاع على قناة "أون": "كنت بحاول أرسم نفسي قدام البنت اللي حبيتها في إعدادي بس هي مكنتش بتديني وش، في الآخر اللي عملته مجاش بفايدة وأحبط وقتها".

مشكلة خالد سرحان مع الستات 

ولفت: "مكالمات الستات اللي بيرغوا بالساعتين في التليفون من أكتر الحاجات اللي بتضايقني خاصة لما الواحد يكتشف إنهم بيتكلموا في موضوع تافه في الآخر".

قصة خالد سرحان مع الزواج 

وأكد خالد سرحان: "اللي اتجوز بدري ظلم نفسه لإنه مخدش خبرة قبل الارتباط، من الدار للنار أعتقد غلط، وأنا راضي بتأخري في الجواز لإني أخدت خبرة في الدنيا في التعامل مع شريكة حياتي".

وتابع: "الراحة النفسية والتفكير المتقارب وراء ارتباطي وزواجي من مراتي، ولو مكنتش لقيت الحاجة دي فيها مكنتش فكرت أتجوز من أي واحدة تانية".
 

موقف خالد سرحان من زواج الصالونات

وأكد: "أنا ضد جواز الصالونات طول عمري، مينفعش الواحد يتجوز من واحدة ميعرفهاش وكان عندي عروض كتير في الإطار ده ورفضتها".

نقدم لكم من خلال موقع (كلمتك)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.