القاهرة - ياسر ابراهيم - الخميس 18 يوليو 2024 12:47 مساءً - حرص الفنان كريم الحسيني، على نعي الفنان تامر ضيائي، الذي توفي مساء أمس الأربعاء، بشكل مفاجئ، ووسط صدمه بين الجمهور وأصدقائه.
وشارك كريم الحسيني، صورة تجمعه بالراحل تامر ضيائي، عبر صفحته الرسمية على موقع التواصل الاجتماعي «انستجرام» وعلق عليها: «لا إله إلا الله، لا حول ولا قوة إلا بالله العلي العظيم، رغم إن الموت دايماً قريب.. ودى الحقيقة الثابتة في حياتنا، بس برضه مابناخدش بالنا إن لقاءنا مع بعض ممكن يكون آخر لقاء أو سلامنا لبعض آخر سلام.. أو حتى لما نبعت لبعض ع الواتس آب ڤويس ممكن يكون ده آخر ڤويس هابنعته لبعض أو دي آخر مكالمه.. وحد فينا هيفارق والتانى هايكمل من غيره ويفتكر كل ده ويتعذب من الفراق.. وتدور رحلة الحياه المؤلمة ويتكرر المشهد باختلاف الأشخاص».
وتابع: «ربنا يرحمك يا حبيبي ويثبتك عند السؤال ويصبر عيلتك على فراقك، عارف إن الفراق صعب وموت الفجأة صعب على الأهل والصحاب، بس أنا متأكد إنك هاتبقى فى مكان أحسن يا تامر.. إنت سبت الدنيا اللعينه اللى ماكنتش قادر تستحملها ورايح تقابل الرحمن الرحيم اللي هيكون أحن عليك من أمك وأبوك، ارتاح يا حبيبي ونام فى سلام، إنت كنت مشدود طول الوقت ومش مستحمل تسمع ولا تشوف ميزان الدنيا المقلوب، ولا أفعال البشر الأفاقين المنافقين، ربنا يرحمك ويغفر لك يارب»
وأضاف: «اللهم باعد بينه وبين خطاياه كما باعدت بين المشرق والمغرب، اللهم نقيه من ذنوبه كما تنقى الثوب الأبيض من الدنس، يارب صبر أهل بيته وأصحابه على فراقه، اقروا وصيته اللى كان كاتبها بتاريخ 12 مايو من شهرين وكأنه كان قلبه حاسس إنه هايفارق الحياه.. ادعوا له كتير بالله عليكوا لأن دى وصيته، يارب اللهم نسألك حسن الخاتمة، اللهم إنك عفواً كريم تحب العفو فاعفوا عنا، اللهم اعفوا عنا يارب، ولادك هما ولادنا يا حبيبي، سلام يا طيب القلب».
وفاة تامر ضيائي
وأعلن الفنان عمرو عبد العزيز، عن وفاة تامر ضيائي عبر حسابه الرسمي بموقع تداول الصور والفيديوهات «إنستجرام»، قائلا: «إنا لله وإنا إليه راجعون كده يا تامر تمشى فجأة كده و تخضنا كلنا، لا إله إلا الله.. الله يرحمك يا حبيبي ويجعل مثواك الجنة يا رب العالمين».
اقرأ أيضاً
موعد ومكان جنازة الفنان تامر ضيائيبيان مستشفى واقعة وفاة الفنان تامر ضيائي.. كاميرات المراقبة تكشف تفاصيل المشاجرة
حمزة العيلي ينعي الفنان تامر ضيائي: «حقك مش هنسيبه يا حبيبي»
0 تعليق