القاهرة - ياسر ابراهيم - السبت 27 يوليو 2024 07:12 مساءً - شادي شامل.. كشف الفنان شادي شامل عن خضوعه لعمليات حقن البوتكس أوالفيلر، مؤكدا على ضرورة اهتمام الرجل بمظهره.
وقال «شامل» خلال لقائه مع الإعلامية أميرة بدر، مقدمة برنامج «خلاصة الكلام»، المذاع عبر فضائية «النهار»: «شكلي أتغير عن زمان، كبرت.. أنا عامل بوتوكس، عملت الفيلر مرة واحدة من كام سنة، كل فنانين مصر بيعملوا بوتوكس، كل الفنانين الرجالة بيعملوا بوتوكس».
وتابع: «مش عيب الراجل يهتم بنفسه، ولازم قدام الست يبقى شكله كويس».
وأضاف شادي شامل: «أنا لازم أحب نفسي، وواثق في نفسي مش غرور ولا تكبر، لما اصحى من النوم بحب أبص لنفسي في المراية وأدلع نفسي».
شادي شامل لـ منتقديه: اثق من نفسي وميهمنيش أي حد خالص
ورد شادي شامل على منتقدي ارتدائه لـ«حلق» قائلا: «أنا لبست حلق ملزوق لكن مش خارم ودني وأحمد رمزي كان لابس سلسلة».
وأكد على عدم أهتمامه في الوقت الحالي بإنتقادات الجمهور قائلا «زمان كنت بتضايق دلوقتي لأ، الناس بقت بتعمل والعالم مفتوح على بعضه أنا واثق من نفسي وميهمنيش أي حد خالص»، مضيفا "بهتم بجسمي والرياضة أهم حاجة وبحافظ على أكلي ومش باكل كميات كبيرة وبشرب ماية كتير طبعا».